നൂറുമേനി താരകം വിളയുന്ന 

വിണ്ണിനും,

ചൂടുറവ  കിനിക്കുന്ന മണ്ണിനും 

ഉടയവളെ ...

കൂറമുള്ളിൽ കുടുങ്ങി വാർന്നില്ലല്ലോ,

കൂമൻ മൂളുന്ന ഇരുളിൽ 

ഒറ്റയായി വിളറിയില്ലല്ലോ,

ആഴ്ന്നു കയറിയ മുള്ളുകളൊന്നും 

പഴുത്തു പുഴുത്തില്ലല്ലോ,

പിന്നെന്തിനു  ഗ്രഹണം വരിച്ച 

വഴികളിൽ വെറുതെ 

"പൂവോ?, പൂമ്പാറ്റയോ ?" എന്ന് 

മിഴി പൊഴിയുന്നു??

കൊഴിഞ്ഞിലയെ നോക്കി, 

അല്ലെങ്കിൽ 

ഒരടർന്ന തൂവലിനെ നോക്കി 

ഇടറിപ്പോകുന്നു ??