കഥകൾ

Sunday, May 14, 2017

....

നീ
കവിളിൽ കാപ്പിമുത്തി ചിരിക്കുമ്പോൾ,
വാക്കുകൾക്കിടയിൽ കവിത പിറക്കാതിരിക്കാൻ
പഴുതുകളിൽ ചോദ്യചിഹ്നം നിറയ്ക്കുമ്പോൾ,
ശീതകാലത്തുവിരുന്നെത്തുന്ന സൂര്യനെപോൽ
ഓടിവന്നമർത്തി ഓടിപ്പോകുമ്പോൾ;

ആ കുന്നുകളോരോന്നും പച്ചച്ചുപച്ചച്ചു
ദൂരെ ഒളിച്ചു നീലിക്കുന്നു..!
കാട്ടുതാറാവ് തുഴച്ചിലിനും, പറക്കലിനും
ഇടയിലേതോ ഒരു ചുവടു കണ്ടെത്തുന്നു..!
ശിശിരം കശക്കിയ ഇലകളോരോന്നും
വസന്തമായി ഉലയുന്നു..!

1 comment:

  1. വസന്താഗമനത്തോടെ കവിതയും പിറക്കുന്നു.
    ആശംസകള്‍

    ReplyDelete